كشفت الدكتورة جيهان مديح، رئيسة حزب مصر أكتوبر، تعرضها لحادث نتيجة سائق نقل يسير بسرعة .
وقالت جيهان مديح على صفحتها الشخصية على موقع التواصل الاجتماعي “فيس بوك”: “نجوت بأعجوبة… لكن كام حد لسه ممكن يموت؟.. النهاردة كنت على بُعد لحظة من الموت.. سائق نقل متهور، طاير من على الأرض، ولا كأنه شايف عربيات حواليه، ولا أرواح ماشية في الطريق”.
وتابعت: “الصورة اللي شُفتها قدامي لا يمكن تتوصف… مشهد جنوني، عربيات بتوقف فجأة، ناس بتجري، وحركة مرورية اتعطلت تمامًا.. وكل ده بسبب استهتار بني آدم مسؤول عن قيادة سيارة نقل هي سيارة الرعب، وماكلفش نفسه يقف حتى يشوف إذا كنت لسه عايشة ولا لأ”.
واستنكرت قائلة: “فين دوريات المرور على الطرق السريعة؟ ليه ماعندناش رقابة دائمة زي باقي الدول العربية؟ ليه كل اللي بنشوفه كمين روتيني بيفحص رخص… والنتيجة؟ أزمة مرور… من غير رقابة حقيقية على السلوك الجنوني ده؟”.
وأكملت: “أنا نجيت بعناية ربنا… لكن فيه غيري بيموت كل يوم بسبب سواقين فقدوا إنسانيتهم قبل ما يفقدوا عقولهم السيد مساعد الوزير للمرور… لماذا لايكون هناك دوريات صباحيه ومسائيه علي الطرق السريعه في سيارات عاديه غير معروفه حتى لا ترصد وتوقيف كل سائق متهور قبل وقوع المصيبه. معظم الدول العربيه تتبع نفس النظام للأسف إدارة المرور مكتفيه بكمين في الشارع يفحص الرخص اللي اصلا بتعمل أزمه في المرور”.
